Të gjithë tatimpaguesit që do të përfshihen në Fiskalizim duhet të :

1. Pajisen me çertifikatë elektronike nga AKSHI.
2. Të sigurojnë lidhje të vazhdueshme interneti në vendin e lëshimit të faturave elektronike.
3. Aksesojnë Platformën Qëndrore të Faturave duke përdorur kredencialet e aksesit në E-Albania.
4. Të sigurojnë pajisje elektronike.

Tatimpaguesit e përfshirë në B2G

1. Tatimpaguesi, përveç transaksioneve me ente publike kryen edhe transaksione të tjera : 

• Të fiskalizojë faturën që lëshon për G (ent publik) nëpërmjet Platformës Selfcare ose Software.
• Të fiskalizojë faturën që lëshon për B (në rastin e një biznesi të fiskalizuar) nëpërmjet SelfCare ose Software.
• Të lëshojë faturë nga blloku i TVSH-së (ose bllok i thjesht) për B, për transaksione  JO CASH.
• Të lëshojë faturë për transaksionet CASH.

a. Nëse transaksioni i CASH kryhet midis dy subjekteve, nuk lëshohet faturë nga blloku i faturave, pasi fatura ka kodin QR, dhe do të deklarohet në librin e shitjeve, duke vendosur si numër serial NIVF.

b. Nëse transaksioni CASH kryhet me blerës të panjohur C (konsumatorë finalë), shitja ditore përmblidhet me 1 faturë. Deklarimi në librin e Shitjeve do të përshkruhet si Shitje ditore.

2. Tatimpaguesi kryen transaksione vetëm me entet publike, pra lëshon vetëm fatura elektronike për entet publike.

• Të lëshojë faturë nëpërmjet Portalit Selfcare ose Software dhe ta fiskalizojë atë.
• Të deklarojë librin e shitjeve nëpërmjet e-filling, duke e upload atë si file excel, deri në periudhën Gusht 2021.

Afatet

Faza e dytë e Fiskalizimit zbatohet prej datës 1 Korrik 2021, dhe përfshin transaksionet pa para në dorë midis tatimpaguesve, detyrimin për lëshim të faturës elektronike dhe shkëmbimin e saj nëpërmjet Platformës Qëndrore të faturave.

Faza finale do të zbatohet për transaksionet me para në dorë prej datës 1 Shtator 2021.